Link verschicken   Druckansicht öffnen
 

Kindernikolaus

10.12.2021

Es hätt ned besser passen kinna, 

endlich hods moi wieder gschneibt , da Schnee hod so sche knirscht unter de Schua.

Do ham se de Kids vom HTV am Vereinsheim drofa und san los maschiert richtung Fischerhütte am Stausee.

In der Zwischenzeit is hergricht worn, Feuerkörbe aufgstellt, Kinderpunsch und Glüli ogricht und a weng oi Lebkuacha zur Stärkung.

Imposant hods ausgschaut wie der Fakelzug am Stausee entlang gwandert is.

Kurz vorm Ziel hod se ein fremder Geselle unter den Haufa gmischt, stadtlich gekleidet und a Bischofsmütze auf dem Kopf...

do schau her da Nikolaus... ham so manche gmoand, wer is denn des und wo kimmt der her.

Hoch oben von Wittebreut is er herkema und hod se für uns extra Zeit gnumma.

Zum schimpfa hods nix gem, eh klar!

Aktivitäten ham se  a in grenzen ghoitn, do gabs ned fui zu berichten.

Trotzdem hods für olle a leckers Packerl gem.

Gemütlich sam dann no beinand gstanden, gratscht, an Kinderpusch genossen und sogar a Schneeballschlacht is ganga...

a richtig schena Aufdnocht!!

 

Liabe Griass

Doris

 

Bild zur Meldung: Kindernikolaus

Fotoserien


Kindernikolaus 2021 (10.12.2021)